Max Born

Max Born (11 d'avientu de 1882, Wrocław – 5 de xineru de 1970, Göttingen) foi un matemáticu y físicu alemán. Llogró'l Premiu Nobel de Física en 1954 polos sos trabayos en mecánica cuántica y compartió esti gallardón col físicu alemán Walter Bothe. Posiblemente, la contribución más conocida a la física cuántica sía la so interpretación probabilística de la función d'Onda de Schrödinger. Según la mesma, el cuadráu de l'amplitú de dicha función ye igual a la densidá de probabilidá del estáu. Por casu, nel casu d'una función d'onda que describa la posición d'un electrón, el cuadráu de l'amplitú va ser igual a la probabilidá d'atopar a dichu electrón nuna posición determinada.